Ata që ndjehen në depresion shpesh herë janë lehtësisht të dallueshëm: duken të ngrysur, të dëshpëruar. Por për ata që kanë depresion të fshehtë? Ata mund të kenë personalitet të hapur dhe të shoqërueshëm! Ky është problemi me depresionin e fshehtë sepse këta që vuajnë kështu janë ekspert në fshehjen e situatës dhe gjendjes së tyre reale. Si mund ti vërejmë, dhe si mund t’i ndihmojmë?
*Mund të jenë gazmorë
Hulumtuesit në Universitetin e Qendres Mjekësore Rochester kanë zbuluar se depresioni ishte i vështirë për tu vënë re kur personi ishte shumë i hareshëm, veçanërisht tek pleqtë.
Hulumtuesit filluan duke menduar se tipat e mbyllur do të jenë ata që do ta kenë të vështirë të shpalosen dhe tregojnë për depresionin por zbuluan se e kundërta ishte e vërtetë. Nuk duhet ta marrim si të sigurtë se një person i hareshëm dhe shumë shoqëror mund të jetë imun ndaj depresionit. Duhet të shikojmë për ca shenja indikative dhe mbi të gjitha, gjithmonë duhet të jemi dëgjues të vëmendshëm.
*Ata shpesh mund të duken të rraskapitur apo të ankohen se janë gjithmonë të lodhur
Efekti anësor dominues i depresionit është rraskapitja e vazhdueshme. Jo gjithkush me çrregullimin vuan nga ajo, por është shumë e zakonshme. Për ata që e përjetojnë këtë simptomë me depresionin e tyre, është një prej efekteve anësore më të vështira për t’u përballuar.
Gjithashtu, nëse dikush jeton me depresion të padiagnostifikuar, shkaku i lodhjes së tyre mund të jetë enigmatik. Ata mund të bëjnë gjumë të mjaftueshëm çdo natë dhe prapë të zgjohen në mëngjes sikur kanë fjetur vetëm pak orë.
Edhe më keq, ata mund të fajësojnë veten e tyre, duke besuar se faktorët si përtesa apo ndonjë e metë tjetër personale janë shkaktarë të niveleve të ulëta të energjisë të tyre.
*Ata mund të jenë jashtëzakonisht nervoz
Sjellja e një personi me depresion mund të interpretohet si melankoli edhe nëse ajo nuk është çfarë me të vërtetë ata ndjejnë. Nervozizmi është një simptomë e depresionit që shpesh nuk konsiderohet si e tillë. Kjo duhet të jetë e kuptueshme, sepse depresioni është një problem shëndetësor që nuk mund të “shihet” apo matet në mënyrë strikte, gjë që e bën edhe më të vështirë luftimin e tij.
Puna e vazhdueshme që duhet bërë për t’i kryer detyrat e përditshme, personin me depresion e shterr mendërisht dhe lë shumë pak hapësirë për durim dhe mirëkuptim.
*Ata mund të fitojnë shprehi jonormale të të ushqyerit
Shprehitë jonormale të të ushqyerit kryesisht fitohen për dy arsye: si mënyrë përballimi, apo si efekt anësor i mungesës së kujdesit për veten. Të ngrënit shumë pak apo më shumë se duhet është një shenjë e zakonshme e depresionit.
Ushqimi shpesh mund të jetë i vetmi burim i lumturisë për personat me depresion duke rezultuar në mbingrëne, gjë që i shndërron këta njerëz në objekt talljeje dhe turpërimi.
*Ata mund të kenë ditë të këqija, dhe ditë “më të mira”
Depresioni mund t’i ketë uljet dhe ngritjet e tij. Nëse dikush ka depresion të fshehur apo të padiagnostifikuar, disponimi i tyre rastësisht mund të luhatet, varësisht nëse depresioni i tyre është i qëndrueshëm apo jo. Për juve dhe për ta, nëse janë të padiagnostifikuar, ndryshimet në humor duken që janë pa shkak, por kjo është thjesht se si depresioni manifestohet te disa njerëz/Revista Shije.
