Ditën e sotme në emisionin e pasdites “Rudina” ishte i ftuar aktori i humorit Eglein Laknori së bashku me bashkëshorten e tij Ana. Në një bisedë të gjatë ata zbuluan disa detaje mjaft të veçanta rreth marrëdhënies së tyre. Ana dhe Eglein kanë 5 vite që njihen me njëri-tjetrin dhe historia e tyre e dashurisë ka nisur shumë natyrshëm.
“Egi dhe unë shkonim në të njëjtën kishë, por unë nuk e kisha vënë re. Ma ka prezantuar vëllai duke më thënë se ky është shoku im dhe që aty ne filluam të bëheshim një treshe shumë e bukur, derisa filluam të dilnim edhe vetëm”,- u shpreh Ana.
Ndërkohë aktori vazhdoi me tregimin e historisë për të zbuluar detaje deri tek propozimi.
“Ne kemi 5 vite që njihemi me njëri-tjetrin, por kemi dy vite martesë. Propozimi ishte i natyrshëm, e gjithë marrëdhënia ka ardhur natyrshëm. Lidhja jonë ishte spontane, nga një puthje në vetull dhe duke zbritur më poshtë. Puthja e parë është shkëmbyer në një lokal tek Liqeni. Unë kam një parim në jetë, më pëlqen t’i vlerësoj njerëzit ashtu siç janë dhe jo siç i dua unë të jenë dhe Anën e dua kështu siç është”, tha Egi.
Përgjatë bisedës Ana tregoi se sipas saj Egi është aktori më i mirë i humorit, por në fillim as nuk e mendonte një lidhje me të./revistawho.com
