Reperi i njohur, Lyrical Son feston ditën e sotme 5 vjetorin e martesës me partneren e tij me të cilën ka dhe dy fëmijë. Artisti ka zgjedhur ta urojë bashkëshorten me anë të një fotoje të publikuar në llogarinë në ‘Instagram’, krah së cilës ka bashkangjitur fjalët më të ndjera.
“Urime 5 vite martesë zemër. Ishallah do zoti jemi me shëndet e gjithmonë bashkë. Të dua”, ka shkruar reperi në foton me partneren e tij, ku shfaqen të dy mjaft të lumtur.
Pas këtij momenti në llogarinë e tij kanë mbërritur të tjera urime nga ndjekës apo miq të afërm të këngëtarit, të cilave 35-vjeçari nuk ka ngurruar t’i përgjigjet. Edhe më parë Lyrical Son ka ndarë me te gjithë momente të ndryshme krah dashurive më të mëdha të jetës së tij, bashkëshortes dhe dy vajzave, të cilat duket se janë prioriteti kryesor i artistit.
Krah familjes, Lyrical Son është përpjekur të mos mungojë në muzikë, duke sjellë herë pas here këngë të ndryshme të cilat janë kthyer menjëherë në hite./revistawho.com
