Në vitin 2013 bota e artit dhe jo vetëm u shokua nga lajmi se aktori i ‘Fast and Furious’, Paul Walker humbi jetën në një aksident automobilistik.
Nëna e aktorit, Cheryl ka treguar në dokumentarin dedikuar jetës së tij, me titull ‘I Am Paul Walker’ detaje të reja nga momentet përpara se ai të shkonte në eventin prej të cilit nuk u rikthye më në familje.
‘Ai ishte ulur në kuzhinë me vajzën e tij Meadow, duke folur për dekorimin e pemës së Krishtlindjeve atë mbrëmje. Ne po bisedonim dhe ai e kishte harruar eventin. Ai mori një mesazh dhe tha se duhet të shkonte diku. Paul nxitoi për të marrë pjesë në eventin e bamirësisë ‘Reach Out Worldwide’ për të mbledhur të ardhura për viktimat e Typhoon Haiyan në Filipine,”- tha Cheryl.
Në përfundim të eventit ai u largua me një Porsche Carrera GT, e cila drejtohej nga miku dhe këshilltari i tij financiar Roger Rodas. Pasi u përplasën me një shtyllë elektrike në rrugë, të dy humbën jetën në atë moment.
Nëna e aktorit gjithashtu ka zbuluar se në këto 5 vite familja shkon çdo 12 shtator, ditën e lindjes së tij, në Huntington Beach, vendi i preferuar i aktorit për të hedhur luledielli në oqean./revistawho.com
