14 tetori 2014 ka mbetur në memorien e gjithë shqiptarëve si një nga datat më të rëndësishme në historinë e futbollit dhe jo vetëm. Një flamur i Shqipërisë Etnike me Ismail Qemalin dhe Isa Boletinin që u fut në fushën e Beogradit nga Ballist Morina, shkaktoi një ngjarje madhore që u diskutua për një kohë të gjatë.
Tashmë kanë kaluar 5 vite që nga ajo kohë dhe atë moment në fushë askush nuk e ka harruar. Sot, një ditë pas përvjetorit të kësaj ngjarje, Julian Deda ka zbuluar një letër që ju ka drejtuar futbollistëve të kombëtares shqiptare fill pas atij çasti. “Kjo është letra që i shkrova trimave të kombëtares sonë 5 vite më parë, ditë në të cilën ata u futën përgjithmonë në historinë e futbollit botëror”, ka shkruar Juli. Në letrën e tij aktori i humorit shpreh gjithë falenderimet për futbollistët që ruajtën deri në fund simbolet e kombit dhe që bënë krenar gjithë shqiptarët.
https://www.instagram.com/p/B3oLsR6lRe3/?igshid=1f5tzgfr4d3t6&fbclid=IwAR3Gf5nmdk9eMX6goMdChpiCSHvu_9vndlQ8dkuBo3IcB9kuCVIDuQ6685Q
“Çuna, dua t’ju them hapur se ju mbrëmë na bëtë shumë krenarë për gjakun shqiptar që na rrjedh ndër vena. Dje i treguat ndyrësirave të Ballkanit se historia fiton mbi një lojë të thjeshtë futbolli apo mbi një rregull qesharak të UEFA-s. Në fakt, u ndjeva xheloz kur ju pashë mbrëmë tek mbronit me zemër Ismail Qemalin dhe Isa Boletinin, do të doja të isha dhe unë aty me ju”, ka shkruar Deda ndër të tjera në letrën e tij. Pavarësisht se kjo ngjarje u shoqërua me debate të forta dhe pati pasoja, duket se askush nuk do e harrojë lehtë, nëse nuk ndodh sërish diçka e ngjashme me të. /revistawho.com
