50 Cent kërkon falje publike

50 Cent ka kërkuar falje publike pas kritikës së rëndë që mori, duke postuar një video të një djali autik i cili punonte si pastrues në aeroport. Reperi, emri i vërtetë i të cilit është Curtis James Jackson II, ka bërë një deklaratë mbrëmjen e martës. “Ndërkohë që incidenti në aeroport rezultoi fatkeqsisht një keqkuptim, më vjen vërtet keq që kam ofenduar atë djalë të ri. Nuk ishte aspak qëllimi im të ofendoja atë apo komunitetit e personave me aftësi të kufizuara, i cili është burimi i një force të mrekullueshme në Amerikë. I kam kërkuar ndjesë personalisht atij si edhe familjes”. Pak ditë më parë 50 Cent publikoi një video në llogarinë e tij të Instagramit, ku tallej me djalin me aftësi të kufizuara, duke menduar se ishte i dehur dhe i droguar.