Dimër apo pranverë, të pakushtëzuara në asnjë moment nga koha, temperaturat apo trendet, moderatoret e ekranit shqiptar kanë guxuar të gjitha njëlloj me ngjyrën rozë e gjithë nuancat që vijnë nga pas.
Arbana Osmani e hapi sezonin e “Dua të të bëj të lumtur” këtë vit me një fustan ngjyrë rozë e lehtë e më pas një kostum xhaketë pantallonë në të njëjtën ngjyrë duke dhënë pamjen e një karameleje.
Edhe Bieta Sulo ka zgjedhur shumë herë një kostum lejla të lehtë, herë tjetër fustan. Nga njëra veshje në tjetrën pasditeve në ‘Top Channel’ Bieta u ka shtuar ngjyra veç buzëqeshjeve.
Iva Tiço ka kombinuar fustanin e saj ngjyrë rozë me takat jeshile, në një prej daljeve të saj publike, duke mos lënë vend për më shumë komente përballë elegancës dhe zgjedhjes fine të gazetares.
Orinda Huta ka guxuar herët me ngjyrat rozë, madje kur ishin ende në dimër. Me ngjyrën çiklaminë të fortë, apo dhe rozë të lehtë, moderatorja ka sjellë pamjen e një barbie të vërtetë.
Bora Zemani ka zgjedhur që herë të veshë xhaketa, herë kostume, të shpeshta këto në ngjyrën lejla të lehtë apo të fortë, gjithmonë duke sjellë ëmbëlsi.
Rudina Magjistari ka kombinuar po ashtu ke ardhjen e pranverës shpesh veshje në ngjyrë rozë.
Të preferuarat e saj mbeten kostumet, të cilat përshtatur dhe me ngjyrën e flokëve i kanë dhënë shumë shkëlqim.
Pra nuk ju mbetet shumë për t’u menduar në blerjet e radhës. Se cila ngjyrë i mungon garderobës suaj, sapo e kuptuat./revistawho.com
