Përmes një postimi në rrjetet sociale, këngëtari i njohur Capital T ka akuzuar gazetarin Robet Bojaj për shpifje duke e paralajmëruar se do ta dërgojë në gjyq. Kjo pasi bashkë me një të ftuar në emisionin e tij, gjatë një interviste kanë deklaruar se Capital i ka kërkuar artistit 50.000 euro për të realizuar një këngë me të. Capital e hedh poshtë këtë gjë dhe shprehet se këto janë shpifje.
“Rastësisht pashë në një intervistë të një gazetari, që quhet Robert Bojaj dhe i ftuari po pretendon se i kam kërkuar një X artisti 50 mijë euro për bashkëpunim. Këto janë komplet shpifje, rrena. Gjithë jetën time, që kur bëj muzikë, nuk kam kërkuar kurrë para për bashkëpunim. Sepse muzikën time e kam bërë me njerëz që më kanë pëlqy edhe kam bërë muzikë për qejf, jo për të marrë para. Ti ke pas mundësi të më thërrasësh dhe ta konfirmosh, tani nuk ke më nevojë. Por i ke hapur punë edhe atij djalit që e fute në siklet, duke ia nxjerrë fjalët me zor. Keni për të shkuar të përgjigjeni në gjykatë për prishje imazhi. Tani, vërtet do paguani nga 50 mijë euro të dy”, ka thënë ai.
