Anastasia Steele dhe Christian Grey e filluan muajin e tyre të mjaltit në ujërat e ngrohta të rivierës franceze, ndërsa tani filmimet po zhvendosen në qytetin e dashurisë, në Paris. Ata janë duke përfunduar skenat e fundit të pjesës së tretë të trilogjisë, ”50 shades Freed”, e cila po realizohet në vende më ekzotike sesa në dy filmat e parë.
Qendra e qytetit të dritave do të jetë skena e kësaj historie dashurie. Një gazetë franceze ka patur akses në dokumentet lidhur me filmimet, ku është mësuar se Jamie Dornan dhe Dakota Johnson do të ecin nëpër rrugët e njohura si bulevardi i Capucines.
Për momentin, çifti ka filmuar në Operën e Parisit, dhe ditët e tjera do të shëtisin nëpër rrugët më të njohura të qytetit.
A do të jetë ky filmi më pak sexy dhe më romantik i trilogjisë?
Kjo mbetet për ta zbuluar në shkurt të vitit 2018, pasi më parë duhet të shohim premierën e filmit të dytë ” 50 shades Darker” në 10 Shkurt të 2017.
