Sot janë bashkë dhe shumë të lumtur me njëri-tjetrin, por disa çifte në showbizin shqiptar dikur e mohonin lidhjen. Për ta shijuar lidhjen në privatësi dhe pa prezencën e mediave e paparacëve, ata kanë preferuar të mos e konfirmojnë. Megjithatë sot, disa prej tyre janë të martuar e të fejuar e madje do bëhen ose janë bërë prindër.
Elita Rudi dhe Gjiko – Reperi dikur e ka mohuar lidhjen me Elitën edhe pse për një kohë të gjatë në media përflitej se ata ishin bashkë. Kur u pyet në një intervistë, Gjiko u shpreh: “Nuk di gjë, të dielën isha me mamin duke ngrënë pite”. Pak më vonë çifti e konfirmuan lidhjen me fotot që publikuan së bashku në Instagram.
Klea Huta dhe Elgit Doda – Së shpejti do të bëhen prindër për herë të parë dhe sapo e kurorëzuan dashurinë e tyre në martesë, por edhe ky çift shumë simpatik në fillim preferoi ta mohonte lidhjen. Në intervistat që dhanë Klea dhe Elgiti deklaronin se ishin miq të mirë. Gati tre vite më parë ata e konfirmuan lidhjen me një postim në Instagram dhe sot janë shumë të lumtur krah njëri-tjetrit.
Ronela Hajati dhe Young Zerka – Kanë shumë vite së bashku, janë fotografuar shpesh bashkë dhe në media dihej prej kohësh historia e tyre e dashurisë, megjithatë Ronela dhe Zerka gjithmonë e mohonin që ishin në një lidhje. Së fundmi ata e konfirmuan që janë bashkë. Ronela u shpreh se ka gjetur shpirtin binjak ndërsa Zerka dashurinë e jetës.
Eni Koçi dhe Genc Prelvukaj – Lidhja e tyre u zbulua nga fotot që postonin në Instagram, nga i njëjti vend ku po kalonin pushimet. Më pas u fotografuan disa herë bashkë por në intervista ata nuk e pranonin që ishin bashkë. Dy vite më parë Eni dhe Genci e konfirmuan lidhjen me një postim në Instagram ku shfaqeshin të dy në një event. Tani Eni dhe Genci janë kthyer në një nga çiftet e preferuar të publikut dhe i sheh kudo bashkë.
Arbenita dhe Fero – Kur u zbulua lidhja e tij me Arbenitën, Fero e mohoi. Reperi deklaroi se atë e kishte vetëm shoqe, por më vonë nuk rezultoi kështu. Pas shumë lajmeve në mediave për lidhjen e tyre, Fero vendosi ta konfirmojë lidhjen dhe sot çifti janë shumë të lumtur bashkë.
Dafina Zeqiri dhe Dj.Geek – Së fundmi është zbuluar se Dafina dhe Dj.Geek janë në një lidhje. Dikur Dafina e mohoi këtë lidhje duke u shprehur se është beqare. Mirëpo tani çifti nuk i kursen më fotot romantike me njëri-tjetrin dhe as deklaratat e dashurisë./revistawho.com
