Edhe pse Ermal Mamaqi do të fillojë një program të ri televiziv në shtator në Tv Klan, emisioni i tij në Digital do të vazhdojë. Një prej programeve më të ndjekura të fundjavës në Digitalb, me sa duket është menduar që të vijojë, edhe pse pa drejtuesin me të cilin ishim mësuar. Lajmin e ka bërë publik vetë Ermali në profilet e tij, ndërsa ka postuar një foto nga emisioni me Arbana Osmanin. “Dëgjova që emisioni që bëja në Digitalb do vazhdojë. Cili personazh mendoni që do e drejtojë më mirë këtë emision?” – pyet Ermali në profilin e tij. Fotoja e Arbanës i ka bërë konfuzë një pjesë të fansave që kanë nxituar të përgjigjen me emrin e saj në fillim, por nuk është ҫudi që Ermali të provokojë edhe këtë herë. Siҫ dihet, Arbana ka filluar punën për programin e ri “Dua të të bëj të lumtur” dhe praktikisht duket e pamundur të vijojë me dy emisione në të njëjtën kohë, shkruan “Revista Class”. Megjithatë, janë shumë emra të lakuar nga fansat: Albano Bogdo, Jul Deda, Landi Hysi, Bes Kallaku, madje edhe Marina Vjollca. Ndoshta më vonë Ermali publikon edhe ҫmimin që fiton ai që e gjen, veҫse, kuptohet, titulli i emisionit do të ndryshojë. Me cilin emër ju shkon më shumë “6 ditë pa…”?
