Ka 2 arsye kryesore pse mund të kemi probleme me stomakun: stresi i përhershëm dhe probleme me ankthin ose depresionin, si dhe ilaçet që kanë efekte anësore. Kjo do të thotë që problemet me stomakun mund të na ndodhin të gjithëve dhe preferojmë që të marrim ilaçe në vend që të provojmë disa metoda të thjeshta. Ne ju sjellim disa sugjerime që mund t’ju bëjnë të ndryshoni mendim.
1. Përdorni gjëra të ngrohta për t’u liruar nga dhimbjet
Nësë vendosi gjëra të ngrohta mbi stomak dhimbja avash avash do largohet, por duhet të bëni kujdes. Mundohuni të mos i vendosni në kontakt të menjëhershëm me lëkurën që të evitoni djegien.
2. Pini sodë buke
Soda e bukës ka një efekt të menjëhershëm në stomak për shkak të përbërësve të saj. Neutralizon acidet e stomakut dhe zbut simptomat e urthit për një farë kohe.
3. Mos e shtrini trupin tërësisht
Të shtriheni kur keni probleme me stomakun duket si zgjidhja më e shpejtë dhe më e duhura, por në fakt jo. Duke qenë se shtrirë stomaku dhe fyti janë në të njëjtin nivel, është shumë e thjeshtë që acidet e stomakut t’ju shkaktojnë urth. Nëse nuk jeni duke fjetur mundohuni të qëndroni ulur, ose gjatë natës përdorni një jastik të lartë.
4. Provoni dietën BRAT
Dieta BRAT është një dietë e cila përmban banane, salcë molle(e përgatitur vetë), tost dhe oriz. Nëse keni simptoma të tilla si përshembull: vjellje, diarre apo të përziera mundohuni të hiqni dorë nga ushqimi i përhershëm dhe të përdorni këtë dietë. Gjithashtu mos harroni të pini sa më shumë lëngje.
5. Hani ushqime të pasura me fibër
Gjëja që duhet të bëni është të shtoni ushqime që përbajnë fibër në rutinën tuaj ditore. Këto ushqime do ju ndihmojnë të minimizoni fryrjen dhe gazrat.
6. Mësoni organizmin tuaj me çajëra herbal
Çajëra të tilla si ai i kamomilit, xhinxherit apo çaji i koprës ndikojnë pozitivisht në organizmin tonë. Disa prej tyre kanë veti të përafërta me ilaçet qetësuese që ne përdorim. Gjithashtu janë shumë të këshillueshme për gratë shtatzëna. /revistawho.com
