Moderatori i njohur kosovar, Labinot Gashi kurorëzoi dashurinë me partneren e tij në martesë në muajin tetor të vitit 2017, ndërsa fill pas këtij momenti erdhi në jetë dhe fëmija i parë i dyshes, e quajtur Rroa. Ndonëse deri më tani, Gashi nuk e kishte zbuluar pamjen e vajzës, moderatori zgjodhi që së bashku me urimin e festës së Fiter Bajramit të bashkangjiste dhe portretin e plotë të familjes së tij, ku dallohet dhe vogëlushja e çiftit. Në foto zbulohet më së miri pamja e të voglës Rroa, e cila është veshur me një fustan ngjyrë të bardhë që e bën të duket si një princeshë.
“Me fat festa e Bajramit nga ne”,- ka shkruar ai në foton e publikuar në ‘Instagram’, ku nuk kanë munguar urimet e shumta nga të gjithë miqtë dhe të afërmit e Labinotit.
Kujtojmë se Labinot Gashi është producent ekzekutiv i programit të cilit ai drejton prej vitesh ‘1 kafe me Labin’, ku ndër vite ka intervistuar personazhe të njohur publikë nga Kosova, por dhe Shqipëria./revistawho.com
