Nuk ekziston një kurë e saktë për shërimin e plotë të stresit por nëse ushtroni rregullisht dhe konsumoni disa nga këto ushqime simptomat do të lehtësohen.
Karotat
Përtypja e ushqimeve kërcitëse ndihmon në lirimin e stresit. Karotat dhe të gjitha llojet tjera të freskëta të ushqimeve kërcitëse do t’ju ndihmojnë dhe nuk do t’ju mbushin me kalori të tepërta.
Qumështi
Pini një gotë për të marrë më shumë vitaminë B, proteina dhe vitaminë D si dhe kalcium për ndërtim të eshtrave dhe lirimin e tendosjes muskulore. Preferohet qumësht me përmbajtje të ulët të yndyrës. Tentoni të pini një gotë qumësht para se të fleni për një gjumë më të rehatshëm.
Kosi
Herën e radhës që ndiheni në stres, anashkaloni akulloren dhe shijoni një jogurt të freskët qoftë ai natyral apo i frutave.
Bajamet
Stresi e ulë imunitetin tuaj gjë që mund të çojë në sëmundje të ndryshme. Bajamet, fistikët dhe arrat mund të ngrisin sistemin tuaj imunitar me vitamina dhe zink.
Çokollata
Hulumtimet tregojnë se çokollata e zezë mund të ulë nivelin e hormoneve të lidhura me stresin. Çokollata po ashtu përmban sheqer (karbohidrate) kështu që liron serotoninën, hormon ky i ndërlidhur ngushtë me disponimin. Është në rregull të hani çokollatë përderisa keni kujdes madhësinë e porcionit.
Avokado
Është i çuditshëm fakti se avokadot janë një nga shumë pak frutat të cilat përmbajnë yndyrë. Yndyra e pangopur e tyre (e cila e mbron zemrën) është një nga cilësitë që i bën avokadot shumë të shëndetshme. Ngrënia e tyre mund të ndihmojë në uljen e rrezikut kardiovaskular dhe sulmit në tru.
