Shumica e njerëzve kur shkojnë në palestër shpërqëndrohen dhe nuk dinë se çfarë pajisje të përdorin më parë, por nuk është e nevojshme t’i përdorni ato të gjitha njëherësh. Më poshtë ju tregojmë disa nga ushtrimet që forcojnë komplet muskujt e trupit tuaj sipas ‘Bright Side’:
1-‘Squats’
Ky është ushtrimi më i famshëm dhe i përdorur. Forcon muskujt e shpatullave, krahëve dhe këmbëve.
2-Shtytjet e shpatullave
Në këtë rast ju qëndroni ulur dhe mbani pesha në të dyja duart, ndërsa pozicioni i tyre duhet të jetë në një vijë me shpatullat. Më pas ato ngrihen sipër duke shtyrë peshat. Ky ushtrim forcon muskujt e shpatullave, shpinës dhe krahëve.
3-‘Deadlift’
Ky lloj ushtrimi ka të bëjë me ngritjen e peshave dhe pozicioni është i tillë si tek ‘Squat’, por në këtë rast peshat ngrihen nga toka për sipër trupit tuaj. Forcon muskujt e këmbëve, kofshëve dhe të fundshpinës.
4-Pompat
Në këtë rast pompat bëhen duke e tërhequr trupin me anë të një shtylle ku ju mbaheni dhe ngrini trupin lart duke targetuar muskujt e shpatullave dhe krahëve.
5-Shtytjet e peshave shtrirë
Në këtë rast ju duhet të shtrini pjesën e sipërme të trupit tuaj dhe më pas të shtyni peshat sipër kokës suaj. Ky ushtrim forcon muskujt e kraharorit, shpatullave dhe bicepsin.
6-Ngritja e peshave në shpatulla
Në këtë rast ju qëndroni në këmbë drejt, ngrini peshat nga toka dhe tërhiqni sipër duke e mbështetur sipër krahëve, qëndroni për disa sekonda dhe më pas lëshojeni peshën. Forcon pothuajse të gjithë muskujt e trupit./revistawho.com
