Ushtrimet për pjesën e sipërme të trupit janë tepër të rëndësishme për të formuar pjesët e shpatullave, krahët dhe muskujt e barkut. Gjithashtu do t’ju bëjnë më të fortë. Më poshtë ju sjellim 6 ushtrimet të cilat duhet t’i keni parasysh sipas ‘Bright Side’:
1-Grushtimet me gira. Ky ushtrim është parapërgatitor për krahët dhe shpatullat, për ti nxehur ato. Për këtë ushtrim duhen përdorur girat e vogla dhe me ato grushtoni për 1-2 minuta.
2-Ushtrimi i bicepseve me gira. Ky ushtrim formon bicepset, shpatullat dhe kurrizin. Qëndroni drejt dhe ngrijini girat deri në shpatull ku pëllëmbët tuaja të jenë përballë me shpatullat, më pas ulini përsëri.
3-Shtytja me anë të girave. Për këtë ushtrim duhet të qëndroni te shtrirë me kurriz në një shtrat, por këmbët të qëndrojnë të ulur në tokë, më pas ngrijini girat duke formuar këndin 90 gradë me trupin. Ky ushtrim forcon bicepset, shpatullat, muskujt e kraharorit dhe të barkut.
4-Ushtrimi për shpatullat. Në këtë ushtrim përdoren përsëri girat, por në këtë rast ato ngrihen sipas drejtimit duke formuar kënd 90 gradë. Ngrijini krahët bashkë me girat sipër kokës dhe ulini përsëri.
5-Ushtrimi i tricepsit. Ky ushtrim është për tricepsin. Në këtë rast girat shtyhen në drejtim të kundërt, pra për nga kurrizi.
6-Lëkundja ruse. Ky ushtrim vë në lëvizje gjithë pjesën e sipërme të trupit. Uluni dhe përkulni këmbët. Mbani një top në dorë dhe lëvizeni me krahë nga e majta në të djathtë./revistawho.com
