Britney Spears do t’i rikthehet sërish muzikës pas një pause 6-vjeçare, pas publikimit të albumit të saj të fundit “Glory” në vitin 2016. Sipas “Page Six”, ylli i popit po punon për këngën e saj më të re, e cila do të jetë një duet me kompozitorin anglez, Elton John . Britney dhe Elton u takuan fshehurazi në një studio regjistrimi në Beverly Hills javën e kaluar, për të ridimensionuar këngën e tij të vitit 1971, “Tiny Dancer”. Sipas mediave të huaja, dueti mes Spears dhe John pritet të publikohet muajin e ardhshëm. Kënga “Tiny Dancer” është shkruar nga Elton John dhe arriti një sukses të jashtëzakonshëm, duke u renditur në vendin e 47 në 500 këngët më të mëdha të të gjitha kohërave të Rolling Stone.
