Arbana Osmani, përveç talentit në fushën e moderimit, ka edhe një tjetër pasion, gatimin. Në vitin 2013, ajo publikoi librin e saj të kuzhinës, “Receta për njerëzit që dua”. Edhe pas librit, Arbana nuk ndaloi së ndari me ndjekësit e saj momente nga jeta e përditshme, me gatime të ndryshme për familjen e saj. Ditën e sotme, ajo ka bërë një lajmërim të rëndësishëm për ndjekësit e saj. Së shpejti, Arbana do të publikojë librin e dytë me receta gatimi, “Receta për 5 minuta”. “Jam e lumtur të ndaj me ju një projekt për të cilin po punoj prej kohësh. 6 vite pas librit tim të parë me receta gatimi, më në fund erdhi momenti për një të dytë. ‘Receta për 5 minuta’ së shpejti për të gjithë ju që keni besuar tek unë, gjithmonë”, ka shkruar moderatorja. Miqtë dhe fansat e saj menjëherë kanë reaguar me disa komente pozitive, duke u shprehur se presin me padurim të shohin projektin e radhës të saj./revistawho.com
https://www.instagram.com/p/B1UAgDLg4A4/?igshid=1w97dud0vtnzn
