Ndonjëherë, më pak nënkupton në të vërtetë më shumë. Kur bëhet fjalë për këto 7 gjëra në dollapin tuaj, mund t’i mbani në formë të mirë edhe me kalimin e viteve, duke i ruajtur nga larja e tepërt.
Xhinset tuaja origjinale
Këto janë material më i ndjeshëm dhe kërkojnë vetëm freskim apo pastrim me avull, ruani kualitetin e tyre duke i pastruar në cikël të shpejtë edhe atë jo me ujë të nxehtë, por gjihnjë me ujë të ftohtë dhe kurrë mos i futni në tharëse.
Pallto juaj e leshtë
Shpresojmë se ju pastroni pallton tuaj në fund të çdo sezoni, por kjo dëmton realisht materialin e saj, shkruan “Bota sot”. Ju mund ta trajtoni ndryshe duke e ajrosur më shpesh, hequr qimet me krehër për të mbajtur formën e saj si dhe duke e varur në një varëse druri të fortë, dhe duke i siguruar hapësirë të nevojshme në dollap.
Pelerina juaj klasike e leshtë
Një zot e di se sa e vjetër është kjo apo sa gjatë e keni veshur, andaj edhe mos e sfidoni shpesh në makinën larëse. Natyrisht, jepni një larje të ngrohtë mënjëherë pas blerjes, por më pas trajtojeni vetëm duke e ajrosur dhe duke e krehur me furçë.
Xhaketa juaj prej lëkure
Lëkura nuk është e lirë, andaj edhe lëreni në dorë të profesionistëve kur vie koha për pastrim. Ju mund ta pastroni vetëm me ndonjë leckë të lagur. Vetëm sigurohuni që të thahet mirë nga uji para përdorimit. Mos harroni ta mbani diku ku ka ajër të ventiluar në dollapin tuaj.
Atletet tuaja ‘fashion’-iste
Nuk po flasim për atletët me të cilat ushtroni në palestër, sepse ato duhet patjetër t’i lani sa më shpesh që të mundeni. Por, po flasim për modele në modë që i vishni me delikatesë sepse nuk i keni blerë të lira, por keni investuar shumë në to. Pasi t’i bleni, trajtoni njollat me ujë për të shmangur papastërtitë. Por, kurrë mos i futni shpesh në lavatriçe sepse humbin cilësinë. Një herë në vit konsiderohet e mjaftueshme për t’i larë në makinë larëse në mënyrë që të zhduken bakteriet e mundshme.
Unazat e dasmës
Thjeshtë edhe vetëm duke larë duart ju mund të pastroni unazën tuaj të martesës, por është mirë që të bëni ndonjë vizitë në artari një herë e një kohë ose jepni një avull me ujë të pastër për të larguar çdo papastërti.
Kapelat me material delikat
Mund të keni lloje të ndryshme modelesh të kapelave që i mbartni më shpesh gjatë javës, dhe falë materialit të mirë absorbues ju mund t’i lani shpesh ato, por ka disa lloje që janë më delikate e që i vendosni vetëm brenda vikendit, e që e kanë më të vështirë procesin e larjes. Andaj, mos i dëmtoni këto, por mjafton t’i krehni me një furçë për t’i kthyer në formë dhe ajroseni mirë. Nëse vëreni ndonjë njollë të madhe, atëherë dërgojeni në pastrim kimik.
