Ditët me shi, ashtu padashur të fusin në mendime të thella. Në këto ditë priresh të bëhesh nostalgjik e t’i kthehesh kujtimeve të vjetra. Ndërsa jeni hutuar pas dritares dhe ndodheni në shtëpi a makinë, ju sugjerojmë një listë më këngë dedikuar shiut.
Elita 5- E urrej shiun
I madh apo i vogël këtë këngë me siguri e ke dëgjuar një herë në jetë . E aq shumë i suksesshëm rezultoi ky projekt i grupit legjendar kosovar, sa mund të konsiderohet edhe si himni i ditëve me shi.
Fitnede Ruda – Shi bie në Tiranë
Kënga “Shi bie në Tiranë ” është një nga më të dashurat e ditëve me shi. Edhe pse po bën kohë tashmë, të gjithë vazhdojnë ta degjojnë, madje herë pas here këngëtarë të ndryshëm sjellin versione të përpunuara të saj. Një i tillë ishte bashkëpunimi midis Eni Koci dhe Genc Prelvukaj që u pëlqye shumë nga publiku.
Fisnikët- Shiu
Edhe grupi i njohur “Fisnikët” i kanë dedikuar një këngë ditëve me shi, pasi e dashura i mban inat e nuk i kthen përgjigje.
https://www.youtube.com/watch?v=yQH3XPLvYmU
Naim Krasniqi- Shiu i verës
“Shiu i verës, shi i ngrohtë i dashurisë ”, këto vargje të vijnë menjëherë në mendje sa herë përmendet shiu. Edhe pse jemi në nëntor dhe dimri ka ardhur tashmë, mund t’ja shtoni këtë këngë listës suaj të ditëve me shi.
https://www.youtube.com/watch?v=rmFBCWCKy3k
Vace Zela- Djaloshi dhe shiu
Legjenda e muzikës shqiptare ka në repertorin e saj edhe një këngë për shiun. “Djaloshi dhe shiu” vazhdon të mbetet një nga projektet më të dashura të saj e gjithashtu risillet shpesh nga këngëtarët e rinj.
https://www.youtube.com/watch?v=PELay7H9sn8
Argjentina Ramosaj- Si shiu
Ndoshta një nga këngët më të dëgjuara të Argjentinës është “Si shiu”. Balada e ndjerë që i kushtohet ikjes së tij u pëlqye shumë nga publiku.
Ylli Limani- Shiu
E nuk mund t’i mungonte listës së këngëve të shiut edhe Ylli Limani. Këngëtari i baladave konkurroi në festivalin e RTSH me këngën “Shiu” dhe kënga është një nga më të klikuarat e tij.
