Shumë prej jush mbase do të habiten nga kjo listë pasi këto shtete mund të jenë edhe më të vegjël se qyteti juaj, por ata kanë qeverinë e tyre, ekonominë madje edhe flotë ushtarake.
Vatikani
Vatikani është një vend i vogël i njohur si ‘Shtëpia e Paqes’. Në të ndodhen disa prej pikturave dhe skulpturave më të bukura në botë. I ndodhur brenda në Itali ai ka një sipërfaqe prej 0.44 kilometra katrorë. Më një popullsi prej afër 1,000 banorë Vatikani është vendi më i vogël për sa i përket sipërfaqes dhe popullsisë.
Monako
Monako është shtëpia e disa prej milionerëve më të famshëm në botë. Me një sipërfaqe prej vetëm 2.02 kilometrave katrorë dhe një popullsi prej 38.400 banorësh, është shteti me popullsinë më të dendur në botë. Është një strehë për të pasur dhe të famshëm. Monako është gjithashtu edhe një qendër e rëndësishme turistike.
Nauru
Me një shtrirje prej 21 kilometrash katrorë, Nauru e fitoi pavarësinë e tij në vitin 1968. Më parë ishte pjesë e Islandës dhe tani për tani është vendi i tretë më i vogël në botë. Ky vend është i njohur për minierat e mëdha të cilat janë një faktor i rëndësishëm në ekonomi.
San Marino
Republika e San Marinos, është një mikroshtet me sipërfaqe prej 61 kilometrash katrorë. Kryeqyteti i vendit është San Marino. Është i vetmi vend i cili ka më shumë makina se sa njerëz. Turizmi është një nga sektorët më të begatë të vendit.
Lihtenshtajni
Me një sipërfaqe prej vetëm 160 kilometrash katrore, Principata e Lihtenshtajnit është e njohur për disa kështjella mesjetare, peisazhe të bukura të mbushura me male dhe disa galeri arti. Është një monarki kushtetuese me Vaduzin si kryeqytetin e saj. Vendi i pestë më i vogël në botë dhe i katërti më i vogli në Europë, është i njohur për numrin e vogël të krimeve.
Ishujt Marshall
Vargu i ishujve është përhapur në një sipërfaqe prej 181.43 kilometra katrorë dhe ka rënë viktimë e luftërave dhe pushtimeve të ndryshme. Vendi, gjatë viteve 1944-1958, iu nënshtrua armëve të ndryshme dhe testeve bërthamore nga SHBA pasi banorët u evakuan. Vendi ka ekonomi të bazuar në bujqësi dhe peshkim dhe merr ndihmë nga Shtetet e Bashkuara.
Maldives
Është një vend i Azisë Jugore që shtrihet mbi 298 kilometra katrorë duke e bërë Republikën e Maldives vendin më të vogël të Azisë. Kryeqyteti i saj quhet Malé, i njohur nga të gjithë si “Ishulli i Mbretit”. Pas fitimit të Pavarësisë në vitin 1968 vendi ka njohur një rritje të lartë ekonomie e cila vjen nga peshkimi dhe numri i lartë i turistëve.
Malta
Një vend evropian, Republika e Maltës, mbulon rreth 316 kilometra katrorë. Valletta është kryeqyteti i vendit. Në vitin 1974, vendi u bë Republikë dhe gjithmonë ka qenë një tërheqje për turistët. Me vende të shumta historike, trashëgimi të pasur kulturore dhe 3 vende të Trashëgimisë Botërore të UNESCO-s, ky vend i vogël ka qenë një destinacion i përkryer për pushime.
