Praktikisht të gjitha gjërat që ne bëjmë në mënyrë automatike çdo ditë, i bëjmë pa menduar rreth asaj se si ne mund të përmirësojmë ato. Pra na është bërë zakon ta bëjmë diçka në një mënyrë të caktuar, por kjo mund të jetë mënyra më e vështirë. Ne ju sjellim 8 gjëra të cilat do t’jua lehtësojnë jetën e përditshme./revistawho.com
Telefoni karikohet më shpejt nëse e vendosni në opsionin “flight mode”.
Kur zgjidhni fondatinën, mos u mundoni të gjeni ngjyrën e duhur duke e provuar tek dora, por në qafë. Kështu do të gjeni ngjyrën që i përshtatet lëkurës së fytyrës.
Nëse i ngatërroni shpesh çelësat, lyejini me manikyr me ngjyra të ndryshme. Kështu do e dini që çelësi blu është çelësi i shtëpisë apo çelësi rozë i makinës e kështu me radhë.
Për të qëruar shpejt një vezë, hidhni një lugë çaji sodë buke në ujë përpara se ta zini.
Nëse përdorni shumë shampo për trupin apo xhel dushi teksa laheni, ju po e zhveshni lëkurën nga vajrat e domosdoshme të cilat e mbajnë lëkurën e shëndetshme. Gjithashtu kjo çon në çarje të lëkurës, irritim dhe ekzemë. Kështu që rezistojini tundimit për ta mbushur banjën me shkumë.
Për të hequr shenjën e buzëkuqit nga bluza ju ndihmon llaku i flokëve. Spërkatni me llak flokësh vendin dhe lëreni për 10 minuta. Më pas fërkojeni me një sfungjer të njomë dhe vendoseni në lavatriçe.
Që ushqimi të ngrohet njëtrajtshëm në mikrovalë, shpërndajeni atë në formë unaze siç tregohet në figurë, më pas futeni në mikrovalë.
Akullorja qëndron e butë edhe në ngrirje nëse e vendosni në një qese plastike të mbyllur.
