Bloggerja shqiptare Estela Ujka njihet për stilin e veçantë, këshillat dhe pozitivitetin që transmeton tek ndjekësit e saj në ‘Instagram’, por jo vetëm. Si një femër e kompletuar nga e cila dalin vetëm mesazhe me vlerë, këtë 8 mars nuk mund të mungonte diçka ndryshe.
https://www.instagram.com/p/BuwA7JnnIh6/
Prej ditësh është prezantuar shkurtimisht një ide që mori jetë në kohë rekord. Bloggerja ka bashkëpunuar me ‘Artistic Jewellery Pirro’ për të krijuar një koleksion special, i cili do prezantohet sot. Nisma e ndërmarrë i dedikohet femrave dhe mban emrin ‘Për Gratë’. Stafi i argjendarisë së njohur ka bashkëpunuar me Estelën për të krijuar bizhuteri të bukura dhe speciale, të cilat do shiten në dyqanin e ‘Artistic Jewellery Pirro’. Të gjitha paratë që do të mblidhen nga shitja e tyre do shkojnë për Shoqatën ‘Vatra’ e cila operon prej 20 vitesh në Shqipëri dhe suporton mbi 360 raste të dhunës ndaj femrave çdo vit.
https://www.instagram.com/p/Buv3oLynPQs/
“E ndërsa për të gjithë ne që kemi mundësi të jemi pjesë e fushatës duke blerë këtë koleksion për vete apo për gratë që duam e vlerësojmë, e dimë fare mirë që jo të gjitha janë me aq fat sa ne. Ndaj në këtë mënyrë ne mendojmë se i japim dhe atyre një fije shprese, një dritë në tunelin ku gjenden, një zgjatim dore për t’i thënë që ne jemi me ju, nuk jeni vetëm, që ka zgjidhje për të mbijetuar çdo tragjedi. Liria juaj është e shenjtë ashtu siç është dhe jeta juaj, ndaj mos hesht ndaj dhunës por REAGO!”,-shkruan ndër të tjera Estela në videon prezantuese të nismës.
https://www.instagram.com/p/BuvfTIkHvlu/?utm_source=ig_share_sheet&igshid=1faapef7k506c&fbclid=IwAR09UkTwS6qWL9bLojx4doN-p_bK2ObeMG46AQaJIOZrY7T9RLj1N9uO5ls
Në mbështetje të grave që vuajnë duke bërë të lumtura femrat e rëndësishme të jetës sonë, Estela ka gjetur mënyrën më të bukur për të dhuruar pak shpresë këtë 8 mars. / revistawho.com
