Elia Zaharia pas martesës me Princin Leka II, ka marrë titullin si Princeshë nga familja mbretërore shqiptare. Dita e sotme është një ngjarje historike mjaft e rëndësishme , sepse 80 vite më parë Mbreti Zogu I u martua me Mbretëreshën Geraldine.
Për këtë arsye për të kujtuar këtë moment kaq të rëndësishëm për familjen mbretërore, Elia gjeti mënyrën më të veçantë. Në ‘Instagram’-in e saj ajo ka publikuar disa nga momentet më të veçanta dhe të bukura nga kjo ditë e shënuar. Disa fotografi të cilat vijnë nga ajo kohë e largët dhe kur për herë të parë Shqipëria u bë me një mbretëreshë. “Si sot 80 vite më parë, më 27 prill 1938, Shqipëria u bë me Mbretëreshë. Kam kënaqësinë të ndajë me ju disa foto të martesës së Mbretit Zog I me Mbretëreshën Geraldine, në ditën e dasmës së tyre”, – ka shkruar Zaharia bashkëngjitur fotografive. /revistawho.com
