Infeksionet vaginale janë një problem shumë i përhapur të femrat, ku thuajse tre në katër, përballen me probleme të tilla në pjesën më të madhe të jetës.
Infeksionet ndodhen në brendësi të vaginës dhe shkaktojnë djegie, kruajtje, irritim, dhimbje gjatë aktit seksual dhe humbje të të bardhave. Më poshtë gjeni disa këshilla se si mund t’i parandaloni infeksionet në mënyrë natyrale.
Mos përdorni produkte shumë agresive- Një nga mënyrat më të mira për të parandaluar infeksionet, është që të mos përdorni produkte intime shumë agresive. Shmangni kremrat aromatikë, tamponët dhe aromatizues të tjerë që mund të prishin ekuilibrin vaginal.
Dietë e ekuilibruar- Për të mos pasur probleme shëndetësore, është e domosdoshme ndjekja e një diete të shëndetshme. Mundohuni të shmangni sa më shumë sheqerin dhe birrën, dy produkte që favorizojnë shfaqjen e infeksioneve dhe mykut.
Kontrolloni nivelin e sheqerit në gjak- Mbajtja nën kontroll e nivelit të sheqerit në gjak, është e rëndësishme për të parandaluar sëmundje si diabeti. Janë pikërisht çrregullime të tilla që shtojnë rrezikun e infeksioneve vaginale.
Vishni të brendshme pambuku- Edhe mënyra e veshjes ndikon në infeksione. Bëni mirë të shmangni të brendshmet najloni apo tyli dhe preferoni mbathjet prej pambuku.
Relaksohuni- Stresi mund të shkaktojë një debulesë të ndjeshme në sistemin imunitar, gjë që mund të shkaktojë infeksion. Relaksimi dhe çlirimi nga ankthi janë dy gjëra që garantojnë shëndet.
Përdorni kos në zonat e acaruara- Kosi i bardhë përmban Lactobacillus acidophilus, një prej baktereve të mira për shëndetin e vaginës. Ndihmon për parandalimin e infeksionit dhe qetëson zonën e acaruar. Në brendësi mund të aplikohet duke përdorur një tampon, shkruan noa.al.
Merrni kapsula me vaj rigoni- Edhe vaji i rigonit është në gjendje të luftojë infeksionet. Këshillohet të merret dy herë në ditë pas vakteve.
Hani boronicë të kuqe- Boronica e kuqe është një zgjidhje shumë e mirë për parandalimin e infeksioneve vaginale dhe në rrugët urinare. Përmbajnë një substancë që ndalon bakteret që të ngjiten në membranën e trupit, duke shmangur kështu irritimin.
Hani hudhër biologjike- Hudhra është një produkt natyral që lufton dhe parandalon infeksionet. Ka veri antibakteriale dhe antibiotike, ku pavarësisht aromës së rëndë, dobitë i ka shumë më të mëdha./kosovarja.com
