Ora Skaner në Ora News do të ndryshoj imazh, por jo emrin dhe formatin. Viola Spiro rikthehet në ekran pas disa muajsh pushim dhe tani së bashku me gazetarin Glend Tafaj do të marrë drejtimin e formatit sportiv të fundjavës. Moderatorja bukuroshe rrëfen rikthimin e saj për newsport.al, arsyet që e bindën, marrëdhënia me futbollin dhe provat për emisionin e parë këtë të dielë.
Do rikthehesh sërish në ekran e sërish me sportin, çfarë të bindi?
Nuk e quaj një rikthim pasi asnjëherë nuk jam larguar nga ekrani. Televizioni funksionon me sezone dhe
pas përfundimit të Europianit kisha nevojë për pushim. Nuk kishte nevojë të bindesha pasi për këtë
kam punuar shumë kohë dhe është ajo që dua.
Cili është projekti i ri?
Në thelb nuk është i ri pasi ky është sezoni i tretë që Ora News ka emisionin e sportit “Ora Skaner” dhe
mendoj se ka qenë ndër më të ndjekurit. I ri është për mua dhe bashkëprezantuesin Glend Tafaji,
megjithatë te dy jemi të mësuar dhe gati.
Përkrah Glendit keni nisur provat, këtë fundjavë në ekran?
Po me Glendin kemi improvizuar emisionin në studio për t’u mësuar me njeri-tjetrin, dhe përshtatur me
formatin e “Ora Skaner” që do ngelet njësoj deri në përfundim të sezonit.
Emri nuk ndryshon, po formati do të ketë diçka ndryshe?
“Ora Skaner”, emri do jetë po njësoj dhe formati i njëjtë. Ju ftoj të na ndiqni.
Të mjaftoi kjo periudhë pauze për t’u shlodhur?
(qesh) Pushimet pranohen gjithmonë. Megjithatë unë më shum kërkoj të kem shkëputje për të mos
konsumuar imazhin .
Vilma, Enkeleida, Marina apo Hygerta Sako?
Nuk mund të veçoj asnjërën pasi i kam kolege të cilat i respektoj dhe i ndjek. Dy prej tyre i kam
mikesha.
Një mesazh për të gjithë tifozët e futbollit që presin për të parë sërish Violën në ekran?
Mos i nënvlerësoni femrat, ndodh që ndonjeherë edhe marrin vesh nga sporti. /Newsport.al
