Sot është një ditë e veçantë për aktoren shqiptare Almeda Abazi dhe aktoin turk Tolgahan Sayisman. Pëpara ceremonisë së martesës e cila do të zhvillohet pikërisht sot më 13 shkurt, Sayisman ka pëcjellë një mesazh romantik për të fejuarën e tij që ka edhe ditëlindjen.
Almeda mbush sot 25 vjeç dhe këtë ditë do e festojë duke veshur edhe fustanin e nusërisë. “Të duash një njeri me zemër është që buzëqeshja e saj të të duket agimi i ditës. Të gjesh një person që t’i kujton të gjitha bukuritë e krijuesit, është bekim më vete. Zoti bëftë që të gjithë ju të jeni bashkë me njerëz me të cilët të plakeni dorë për dore, me njerëz që t’i lëshoni gjethet e kohës plot dashuri. Le të jetë ky postimi me të cilin i jap lamtumirën beqarisë”, shkroi aktori në profilin e tij në Instagram, ndërsa Almeda iu përgjigj se edhe ajo e dashuron shumë.
Shqiptarja është në një lidhje dashurie me aktorin turk prej dy vitesh, ndërsa në nëntorin e vitit të kaluar ata u fejuan dhe filluan edhe përgatitjet për dasmën. Ndërsa gjithçka ishte planifikuar për këtë pranverë, i fejuari i saj i bëri një surprizë duke e përshpejtuar datën e martesës pikërisht në ditëlindjen e Almedës, më 13 shkurt. (B.L/Shuplaka)
