Turjan Hyska rrëfen dasmën me Orinda Hutën dhe përshkruan rivalët në muzikë e televizion

I ftuar në programin “Tek unë” në “Intv”, kantautori dhe moderatori Turjan Hyska foli për muzikën, për rikthimin e tij të herëpashershëm në këngë, duke u fokusuar edhe tek materiali i fundit “Nokia e vjetër”. Veç kësaj drejtuesi i “Oktapod” u ndal edhe tek rrëfimi për dashurinë, vajzën që së shpejti do të bëhet gruaja e tij, prezantuesen e këngëtaren Orinda Huta. Turi tregoi si po i shkojnë planet e dasmës dhe çfarë planesh kanë bërë për të pasur fëmijë, shkruan “revistawho.com”. “Përgatitjet po shkojnë shumë mirë. Po punojmë me më të mirët “Geraldina Sposa”. Me Mandin dhe Marçelën ka shumë miqësi Orinda. Mendoj që në një dasmë elementi kryesor është fustani. Nuk di gjë akoma a e ka gjetur Orinda fustanin. Pjesa tjetër është që të hanë njerëzit. Pastaj për skenografi e spektakël, nuk kam vdekur unë që të mos ketë spektakël në dasmën time. Do jetë një dasmë “cool”. Kush nuk kërcen të ikë osë të mos vijë fare. Po u ul ritmi, do marr mikrofonin e do e kthej në emision. Do ketë lumë afër, në një vend të hapur mes pemëve e me shumë ndricim. Do të jetë një dasmë “country”. Orinda shikon çdo gjë në detaje. E kam marrë me shumë qejf dhe besoj që do të jetë mbrëmje e paharrueshme. Janë diku tek 280-300 të ftuar, po do të bëjmë një dasmë të vetme. Do të ketë edhe njerëz të famshëm që i kemi miq. Ne po martohemi për kokrrën e qejfit tonë”, u shpreh Turi. Më tej ai tregoi se çifti kanë bërë plane edhe të jenë së shpejti prindër. “Ka ardhur koha që pas 10 viteve të kurorëzojmë dashurinë tonë të madhe e t’i hapim rrugën fëmijëve. Duam të bëjmë 2-3 fëmijë. Pasi të bëjmë të parin që duhet sesbën t’i ngjajë Orindës të paktën nga sytë, e të mos e ketë të shëmtuar kokën si 90% e shqiptarëve se Orinda e ka kokën shumë të bukur…”, tha duke qeshur ai.
Në fund Hyska dha mendimin e tij me një fjalë për disa personazhe të famshëm të ekranit:
Arbana Osmani- e talentuar
Arian Çani- provokativ
Ardit Gjebrea- producent fantastik
Ermal Mamqi- kafshë pune
Alban Kondi- nuk ka asnjë të keqe, e dua shumë fort
Gent Zenelaj- Stop
Alketa Vejsiu- ambicioze e frikshme
Vesa Luma- shumë e mirë
Orinda Huta- gjysma ime më e mirë/ revistawho.com