Ekziston një kod i pashkruar mes miqsh: kurrë, në asnjë rrethanë, mos e përmend rënien e flokëve! Por, Cristiano Ronaldo nuk e respektoi këtë detyrim të shenjtë të shtunën – dhe çka është më keq, ai kishte një audiencë më të madhe nga sa priste! Sulmuesi i Real Madrid ishte shumë i lumtur të shihte ish-shokun e ekipit Diego Lopez para përplasjes së Merengues kundër Espanyol-it. Liderët e La Liga-s fituan 2-0 falë golave të Alvaro Morata-s dhe Gareth Bale, por Cristiano Ronaldo tërhoqi vëmendjen me veprimin e tij para fillimit të ndeshjes.
“Uau, Diego, paske vendosur 3600 qime në kokë“- i ka thënë Ronaldo portierit në tunelin që të shpie për në dhomat e zhveshjes, duke nënkuptuar përdorimin e mbjelljes së flokëve, apo ndonjë mënyrë tjetër kundër flokërënies. Fakti është së aktualisht koka e portierit duket shumë më e populluar nga flokët. Por në këtë situatë, është Ronaldo ai që është vënë në siklet, kur Morata e informoi se kamerat e kishin filmuar.
