Adrian Gaxha kishte para pak ditësh ditëlindjen ku mbushi 33 vjeç. E ndërkohë që data 13 shkurt duhet ta gjente të lumtur, Adriani e quan ditë tersi. “Për ditëlindje dhe për Vit të ri kurrë nuk kam kaluar mirë. Është interesante. Pa marrë parasysh se gjithmonë për Vitin e Ri kam pasur punë, ndodh ndonjë problem. Për ditëlindje kurrë s’kam kaluar mirë. 364 ditë të vitit i kam mirë, dita e ditëlindjes nuk është e mirë. Për shembull vitin e kaluar kisha koncert me Florianin në një nga klubet më të famshme në Manhattan dhe sapo hyra brenda u sëmura, temperaturë, fyti, ethe dhe kur je i sëmurë kot është gjithçka, edhe në vendin më të bukur në botë të jesh. E mbaj mend çdo ditëlindje diçka ka ndodh dhe s’kam kaluar mirë”, -tha Adrian në një intervistë për Prive.al. E pyetur nga gazetarja për statusin e tij, këngëtari u shpreh se nuk është single./revistawho.com
