Ilda Bejleri ka komunikuar sot me të gjithë fansat e saj përmes ‘instalive’, duke i dhënë përgjigje disa prej pyetjeve të tyre. E gjitha kjo është zhvilluar gjatë regjistrimit të programit “Pa Flitër” të Jona Spahiut në “Digitalb”, ku Ilda do të jetë e ftuara e radhës. Moderatorja e njohur e “SuperSport” foli për herë të parë për skenat e guximshme dhe shumë sensuale të spotit të ri të “Digitalb” që risjellin atmosferën e “Fifty Shades Darker”, filmit ‘bestseller’ në të gjitha kinematë botërore. Mesa duket kjo reklamë, që nisi transmetimet më 14 shkurt i ka hapur punë me familjarët Ildës. “Pasi i binda e kuptuan”, – u përgjigj ajo. “Unë u thashë se jam një personazh i njohur i ekranit dhe publikut duhet t’i japësh atë që do. Një nga kritiket ishte mami që më tha “si do dali babi poshtë tek llotot”, (qesh) sepse babi im i ka qejf skedinat”, – rrëfeu bukuroshja. Më tej gjatë bisedës së gjatë me fansat, Ilda u përgjigj edhe për mundësinë e një takimi me Cristiano Ronaldon. Ajo tha se e kishte pasur shumë afër në një stadium, por nuk e kishte takuar, sepse nuk do donte që ta takonte si fanse. “Nuk doja ta takoja si fanse, sepse kam arritur nje lloj stadi që mund ta takoj si gazetare”, – tha Bejleri. Sakaq, një detaj që na ra në sy gjatë komunikimit të Ildës në ‘insta live’, ishin komentet e Erik Fullanit, djalit të ish-guvernatorit të Bankës së Shqipërisë, i cili e ngacmoi disa herë bukuroshen brune. “O Ilda ke kalu tek Telenorba?”, – ishte pyetja e tij e parë, që u pasua me të tjera komente, si: “Boll rrejte, O Ilda mos rrej”, etj. Por Bejleri nuk iu përgjigj asnjë prej ngacmimeve, me përjashtim të atij ku pyetej: “Çfarë do bëhesh kur të rritesh?”. “Shpresoj gazetare”, – tha Ilda duke qeshur. Nuk e dimë nëse dy protagonistët e këtij komunikimi njihen me njëri-tjetrin, por komentet e Erikut lënë vend për dyshime. / revistawho.com
