Në këto ditë të zymta dimri, ndryshimi i humorit është një nga proceset më të shpeshta që ndodh, por këngëtarja e njohur e muzikës shqiptare, Blerina Braka është më e lumtur se kurrë dhe kjo e ka një arsye. Ajo sapo ka mbyllur xhirimet e klipit të saj më të ri të titulluar “Çohu” të zhanerit turbofolk ku dozat e optimizmit mbizotërojnë që në nisje të këngës.
“Kjo është një këngë për popullin dhe ka disa vite që po bëj projekte muzikore që jo vetëm t’i pëlqejnë masës, por që ajo edhe të kënaqet. Shijet kanë ndryshuar dhe ne, artistët profesionistë po ndjekim trendin e tregut dhe aktualisht zhanri që unë lëvroj, është ndër më të kërkuarit” – është shprehur Braka.
Klipi është në proces montazhi dhe në fundjavë pritet të jetë aktiv në youtube.
