Aktorja me origjinë shqiptare me famë botërore Eliza Dushku, ka treguar se cili është djali që i ka vjedhur zemrën.
Nuk bëhet fjalë për një lidhje të re por një djalë të vogël, të cilin aktorja na e ka prezantuar përmes një postimi të bërë në llogarinë e saj të Instagramit. Eliza, e cila momentalisht ndodhet në Republikën Dominikane, ka publikuar një fotogafi ku shihet teksa udhëton në makinë, ndërkohë që pas xhamit të makinës shihet një grup fëmijësh që po përshëndesin aktoren.
“Djali i vogël i veshur me bluzë blu u shfaq sot përball makinës sonë dhe ma vodhi zemrën”, shkruan bashkëngjitur fotografisë së publikuar Dushku.
