Kristina Neranxi, bukuroshja bionde, trashëgimtare e kompanisë “Neranxi”, njëherësh administratore e “Divinës” do të ndajë sot dy lajme të gëzueshme me të gjithë të ftuarit e saj në eventin e kësaj të enjteje. I pari është lajtmotivi i këtij organizimi, prezantimi i shefave të rinj të restorantit në zemër të Tiranës (fituesit e ‘Masterchef’, Alfio dhe Indriti) si dhe i shërbimit të ri “Divina Boutique Hotel”, që ofron dhoma unike në një nga zonat më të preferuara të kryeqytetit.
Ndërsa i dyti është një lajm edhe më i rëndësishëm se i pari, lajmi më i rëndësishëm i jetës së Kristinës. Vajza e suksesshme e biznesit pret të bëhet nënë dhe këtë lajm e ka ruajtur me shumë fanatizëm deri më sot, për ta ndarë në një ditë gëzimi me të gjithë miqtë e të njohurit. Neranxi është prej disa kohësh në marrëdhënie me një djalë simpatik, që është shkolluar në Itali, e që njësoj si ajo vijon aktivitetin e tij privat në Shqipëri dhe Europë. “RevistaWho.Com” i uron suksese “Divinës” dhe shtatzëni të mbarë Kristinës. / revistawho.com
