Të gjithë besojmë e kujtoni Tergita Gustën, konkurrenten e edicionit të parë të talent shoë-t “Ethet e së Premtes”, e cila arriti deri në netët finale, duke qenë një nga zërat e spikatur të atij edicioni. Megjithëse prej kohësh Tergita është tërhequr nga jeta aktive në muzikë, ajo ka publikuar disa këngë dhe ka shoqëruar Anjeza Shahinin në prezantimin e parë të Shqipërisë në “Eurovizion” si backvocal. Por gjithsesi sot nuk do shkruajmë për Tergitën, por për lidhjen e saj me një artiste të madhe të skenës shqiptare, siç është Margarita Xhepa. Ikona e kinemasë dhe teatrit shqiptar është gjyshja e këngëtares Gusta, e cila është shprehur shumë krenare për nderimin e margaritarit të skenës sonë me urdhërin “Gjergj Kastrioti Skënderbeu” nga Presidenti i Republikës. / revistawho.com
