Shtëpia e Angela Martinit dhe partnerit të saj Dragos Savulescu, është kthyer këtë fundjavë në shtëpinë e yjeve të “Hollywood”. Për të disatin vit radhazi, Dragos ftoi edhe këtë herë në shtëpinë e tij, dy ditë përpara ndarjes së çmimeve “Oscars”, yje të kinemasë dhe jo vetëm. “RevistaWho.Com” ka zbuluar se në festën me 500 të ftuar ekskluziv, ishin pjesëmarrës fytyra shumë të njohura të showbiz, të tillë si: Leonardo Di Caprio, Mel Gibson, Paris Hilton, French Montana, Tobey Maguire, Adrien Brody, Kourtney Kardashian, Russell Simmons, Robin Thicke, etj.
https://www.instagram.com/p/BQ84QYPDrER/?taken-by=angela_martini
Burime të besueshme pranë modeles bukuroshe, thanë për “RevistaWho.Com” se më shumë se 200 njerëz të tjerë kanë pritur jashtë vilës për t’u bërë pjesë e këtij organizimi. Të vetmit shqiptarë që kanë qenë brenda festës së organizuar në vilën e milionerit rumun kanë qenë fotografi Fadil Berisha dhe kushëriri i Martinit, që është njëherësh edhe miku i saj i ngushtë. Dragos Savulescu është prej kohësh i përfshirë në industrinë e filmit amerikan, si producent dhe aktor. Ai është prej më shumë se një viti i lidhur me yllin shqiptar, Angela Martini. / revistawho.com
