Adoleshentët e adhurojnë Snapchat-in, por edhe më të rriturit nuk mbeten prapa, kur vjen puna për këtë risi të rrjeteve sociale. Sipas ekspertëve të fushës, përdoruesit e moshës nga 25 deri në 44 vjeç po rriten dita ditës. Por ajo çka e bën më interesante këtë rrjet social është se ai po shërben edhe si një instrument marketingu i konsoliduar. Kompani të mëdha e veçanërisht ato të modës postojnë koleksionet e reja të veshjeve të tyre. Ndërsa skuadra të njohura futbolli po ofrojnë video ekskluzive për fansat, sidomos para ndeshjes.
Por si funksion Snapchat-i? Për të gjithë ata që janë kuriozë dhe nuk e kanë mësuar ende, lexoni 3 këshillat e më poshtme:
- Fillimisht duhet të krijoni llogarinë tuaj e të realizoni fotografinë e profilit. Pasi ta keni realizuar atë, atëherë jeni gati për të hedhur “snapin” e parë. Ai nuk është si të gjitha rrjetet e tjera sociale, ndaj dhe duhet të keni informacionin e duhur për kërkesat për miq që ju bëjnë apo do të bëni.
- Pasi keni hapur llogarinë, Snapchat do t’ju kërkojë leje për t’u lidhur me miqtë tuaj që keni në rubrikën e telefonit apo rrjetet e tjera sociale. Kur vëreni se shenja “fantazmë” do të marrë ngjyrë të verdhë, klikoni mbi të për parë se cili ju ka bërë ftesë. Gjithsesi për të kuptuar më shumë duhet të jeni të vëmendshëm edhe ndaj postimeve që bëjnë miqtë tuaj.
- Përgatit snap-in tënd. Është momenti për të regjistruar videon tënde të parë, ndaj mos harroni se inkuadrimi është gjthmonë vertikalisht dhe mund ta dekoroni sipas dëshirës. Në fund nëse nuk ju pëlqen, mund ta fshihni lehtësisht. Një nga pikat më të forta të Snapchat është se ju mund të merrni pjesë në një ngjarje në mënyrë të drejtpërdrejtë, madje duke dhënë edhe kontributin tuaj. Rezultati është një kolazh fotosh apo videosh i krijuar nga një komunitet, që mund të jetë grup tifozësh që ndjek një event sportive.
