Luar Arani është bërë e njohur me bashkëpunimin e saj me Flori Mumajesin disa vite më parë me këngën, “Përgjithmonë”.
Më pas erdhi dhe me disa prodhime të tjera muzikore po aq të suksesshme si: ‘Vetëm’ , ‘Udhëtim’ dhe ‘Remember’.
Luar ka qenë vetëm 16 vjece kur solli hitin “Përgjithmonë” dhe suksesi i këtij singëlli arriti deri në Turqi dhe madje është bërë dhe remiks.Por, çfarë ndodhi më pas me Luar? Pse e braktisi karrierën e saj muzikore?
Fun Day me Fatmën zbuloi se këngëtarja jeton në Gjermani dhe i është përkushtuar shkollës dhe punës.Ajo ka mbaruar studimet në Berlin School of Economics and Law. Luar është përpjekur shpeshherë edhe të sjellë investitorë gjermanë në Shqipëri.
Nuk dihet se kur këngëtarja planifikon të rikthehet me ndonjë projekt, prandaj deri atëherë na mbetet t’i dëgjojmë këngët e vjetra që falë vlerave arrijnë t’i rezistojnë kohës dhe të pëlqehen akoma.
