Siç dihet, historitë e dashurisë që nisin në “Big Brother” nuk zgjasin shumë jashtë. Por jashtë, ka ish banorë që mesa duket i rikthehen edhe njëherë nostalgjisë së ditëve brenda shtëpisë. Veseli është djaloshi nga Kosova që vitin e shkuar rrëmbeu çmimin e madh. Lori, vajza e njohur për format seksi, ka qenë më herët banore e shtëpisë së Vëllait të Madh. Teksa i hedhim një sy rrjeteve sociale, shohim që këta dy ish banorë janë shfaqur shumë pranë njëri-tjetrit ditët e fundit.
Si Lori ashtu edhe Veseli kanë postuar në llogaritë e tyre personale video, por edhe foto ku duken më shumë sesa shok. Por ajo që na i shtoi më shumë dyshimet për një historie dashurie mes tyre është fotoja e një tjetër ish banori në shoqërinë e Veselit dhe Lorit. “Në emër të atit t’birit … ju shpall”, ka shkruar Meridiani krahas fotos ku shfaqet duke drekuar me dyshen simpatike. Tashmë që kanë marrë edhe bekimin e miqve, na duhet të presim për një konfirmim prej tyre, për të mësuar detaje nga një marrëdhënie e re dashurie mes tyre./ gsh.al
https://www.instagram.com/p/BRYRSfgBAU4/?taken-by=veselkurtishaj
https://www.instagram.com/p/BOscVTZhe8_/?taken-by=lorihoxhallari
