VIDEO / Olti Curri, rreziku i banorëve të “Big Brother”

 “Big Brother Albania” pritet të nisë fundjavën e ardhshme edicionin e tij të nëntë në ekranin e “Top Channel”. Formati që këtë vit ka premtuar shumë risi do të vijë si gjithmonë i shoqëruar edhe nga ‘fan club’, programi ku bëhen të gjitha diskutimet. Edhe këtë vit drejtimi i është besuar Albana Osmani, ndërsa në kolltukun e opinionistit do të qëndrojë i palëkundur në mendimet e tij, gazetari Olti Curri. Në promon e ideuar nga ky i fundit janë bërë protagonistë disa prej ish-banorëve më të famshëm të këtij formati, që përpiqen ta ‘torturojnë’ Oltin, duke i mbyllur edhe gojën, që është arma e tij më e fortë në çdo përballje televizive. Ideja e spotit, gjeneruar nga moderatori i “Top Albania Radio” sjell një frymë të re në televizionin shqiptar, larg klisheve që jemi mësuar të shohim gjithmonë. Albana Osmani prezanton gjatë ecjes së saj gjithçka do të ndodhë në programin post spektakël, ku sigurisht ajo që do të mbahet mend është fjala e Oltit. Sepse vetëm atij, nuk ia mbyll dot njeri gojën. / revistawho.com