Nuk është më diçka e re angazhimi i Alessio Aliajt si organizator i tureve të këngëtarëve të famshëm ndërkombëtar në Australi. Së fundmi modeli i njohur shqiptar, po organizon koncertet e dy yjeve shumë të kërkuar internacionalë si Justin Bieber dhe Martin Garrix. Dy emrat e njohur të muzikës botërore, përveçse bashkëpunojnë prej vitesh me shqiptarin, kanë krijuar tashmë edhe miqësi me të. 
Koncerti i pari i këtij turi në Australi, ka shkuar për mrekulli, siç edhe pritej në fakt, duke mbledhur në stadium me qindra-mijëra njerëz. Por nuk mbaron këtu, sepse siç e përmendëm më sipër, Alessio, që shumë shpejt do të bëhet baba, ka edhe miqësi me djemtë dhe në një prej ditëve të pushimit ai doli bashkë me DJ-in Garrix dhe miq të tjerë për të parë plazhet e bukura të Australisë.
Videot e kësaj dite Aliaj i publikoi në instagram dhe ajo që “WHO” zbuloi është se Martin po puthej me një vajzë… Ky është një sekret, që nuk duhet ta marrë vesh bota, ndaj mos e flisni me njeri. / revistawho.com
