Duken si moshatarë por kanë diferencë të madhe! Zbuloni sa vite më i madh është bashkëshorti i Almedës

Teksa shikojmë fotot e çiftit të bukur Almeda Abazi dhe Tolgahan Sayisman, krijohet përshtypja se diferenca e tyre në moshë është e papërfillshme. Por në të vërtetë nuk është kështu. Siç shkruan revista “Class”, Tolgahan ka mbushur 35 vjeç në dhjetor, ndërsa Almeda në shkurt, ditën e dasmës me Tolgën, mbushi 25 vjeçe. 10 vjet nuk janë pak, por ja që mes tyre nuk dallohen. E gjitha meritë e aktorit turk që duket shumë djaloshar, edhe pse 35 vjeç është një moshë djaloshi. Për femrat, në çdo kohë dhe në çdo vend, t’u thuash që duken më të reja, është një kompliment. Nuk e dimë nëse vlen njëlloj për meshkujt, por nëse po, urime Tolgahan! Almeda dhe Tolgahani, pas një historie disavjeccare, u martuan më 13 shkurt në Los Angeles.