Ajo ja kaloi detyrat Rita Ora-s vitin e kaluar por Tyra Banks është rikthyer sërish në drejtimin e “America’s Next Top Model”.
Tyra krijoi konkursin e modeleve në 2003 dhe e drejtoi deri në 2016. Këtë vit ajo ia la në dorë Rita-s drejtimin e konkursit por ditën e enjte, ajo ka konfirmuar lajmin se do të rikthehet sërish në drejtimin e këtij programi.
“Më ka munguar shumë America’s Next Top Model kështu që do të rikthehem sërish”- ka shkruar Tyra në një postim të bërë në rrjetin social “Twitter”.
Banks ka bërë gjithashtu një tjetër postim, përmes të cilit ka vlerësuar këngëtaren me origjinë shqiptare për punën e saj të mrekullueshme si drejtuese e këtij programi.
“Zonjush Rita Ora, ti je shembulli më i mirë i Business Boss Brand. Faleminderit shumë për punën e mrekullueshme që solle në “America’s Next Top Model”./topalbaniaradio
