VIDEO/ Luana tregon për rrogën e saj e të Marinës, prezantuesja: Shyqyr nuk e kemi aq!

Pak javë më parë në media qarkulloi një lajm, që informonte kuriozët për pagesën që marrin nga “Top Channel” dy motrat bukuroshe, Marina dhe Luana Vjollca. Sipas lajmit në fjalë, Marina për punën e saj si bashkëprezantuese e “Procesit Sportiv” merrte 500 mijë lekë të vjetra, ndërsa Luana si drejtuese e programit “Pa Limit”, merrte 810 mijë lekë. Me sa duket këto nuk janë shifra të vërteta. Marina dhe Luana paguhen më shumë. Të paktën kështu tha e vogla e motrave Vjollca në një inetrvistë për emisionin “Express Rozë”. “Këto janë gjëra shumë private dhe nuk e di se si mund të thonë që është marrë informacioni. Gjithkush ka dëshirë të shkruajë çfarëdolloj gjëje. Të shkretet ata që i besojnë edhe që e mbushin kokën me informacione të kota. Se vetëm po mbushet koka me informacione të kota kohët e fundit dhe me asgjë të plotë. Po shyqyr që ne s’e kemi aq, e kemi më shumë”, tha Luana duke qeshur./ revistawho.com