“Me koncertin që kishin organizuar, fëmijët e ushtarakëve të b2k të Forcës Tokësore, i merituan plotësisht dhuratat. Falenderime për të gjithë ushtarakët që punojnë dhe sakrifikojnë çdo ditë, jo vetëm për fëmijët dhe familjet e tyre, por për të mirën dhe sigurinë e përbashkët”. Këto janë fjalët e Ministres së Mbrojtjes së Shqipërisë Mimi Kodheli, pas një takimi të veçantë, Me rastin e festive zonja Kodheli e kaloi ditën e premte pranë fëmijëve të Batalionit të Dytë të Këmbësorisë së Forcës Tokësore në ZallHerr. Duke i uruar festat ushtarakëve të këtij Batalioni prioritar të FAsë, ministrja i inkurajoi për ecjen përpara në karrierën ushtarake. Në fund, ministrja e Mbrojtjes ndau dhurata për Vitin e Ri për fëmijët e ushtarakëve të këtij batalioni.
