“Jemi shokë prej vitesh. Ervini është një djalë që çdo shoqëri do të ndihej mirë ta kishte. Në marrëdhëniet me femrat, ka qenë gjithmonë i preferuar prej tyre. Madje me mua ka pasur raste rivaliteti… Edhe pse ka humbur gjithmonë (qesh). Pengu më i madh i Ervini ishte momenti që u detyrua të linte futbollin si pasojë e një aksidenti. Ishte shumë i talentuar”.
Kështu e përshkruan Erion Zeqiraj, simpatikun Ervin i cili aktualisht është një nga konkurrentët më të spikatur të këtij edicioni të “Big Brother”. Në fakt këto që tha Erioni në një intervistë për gazetën “Paloma”, janë reflektuar edhe gjatë qëndrimit të tij në shtëpinë e famshme, pasi vajzat iu afruan menjëherë. Më tej Zeqiraj, me syrin e një ish-konkurrenti tregoi edhe të preferuarit e tij, përveç shokut.
“Danieli më duket interesant. Dhe Fotinia përmbledh karakteristika mikse, nga sinqeriteti te luftarakja. Ndërsa për freski dhe një stil të spikatur do veçoja Donjetën.”/ revistawho.com
