Aplikacioni i Snapchat-it personifikohet nga videot “story” të cilat zhduken pas 24 orësh. Mirëpo pak muaj më parë Instagram gjithashtu u pajis me “Insta Story” duke kopjuar në në një farë mënyre Snapchat-in që nga fshirja e postimit pas 24 orëve dhe stickerave që mund të vendosen tek fotot. Pas Instagramit, edhe Facebook në fillim të vitit prezantoi “Facebook Story”. Një “kundërpërgjigje” ka ardhur nga Snapchat i cili ka diferencuar platformën me opsionin e ri që u jep mundësi përdoruesve të Snapchat të kërkojnë historitë në bazë të vendeve, eventeve, fjalëve kyçe. Me pak fjalë historitë tuaja do mund të shihen nga të gjithë. Për shembull nëse kërkoni emrin e një vendi do t’ju dalin të gjitha postimet që kanë bërë tag “vendin” apo postime të lidhura me vendin. Nga ana tjetër kjo do të bëjë që përdoruesit të mendohen dy herë para se të postojnë foto apo video./revistawho.com