Në një foto të publikuar në Instagram këngëtari Sidrit Bejleri ka shprehur mbështetjen e tij ndaj kolegut Alban Skënderaj duke e quajtur atë këngëtar të vërtetë dhe me vlera. Në fund ai i bën thirrje njerëzve të kthehen tek arti i vërtetë dhe jo të dëgjojnë “pisëlliqe” siç i quan ai. “Jemi kaq pak saqë gjynah të mos duhemi… Ky djali është nga ata pak të vërtetët, që i bën gjërat duke dëgjuar anën e mirë të shpirtit dhe mbi të gjitha larg kompromisit me vorbullën e llumit që ka përfshirë artin shqiptar. O njerëz, kthehuni tek arti i vërtetë që nuk është e vështirë të shquhet, se e zeza nuk mund të jetë kurrë e bardhë dhe mos dëgjoni gjithfarë pisllëqesh! Faleminderit Alban! Faleminderit or mik!”, -shkruan Sidriti./revistawho.com
