Me lëkurën e errët, tiparet e theksuara dhe feminilitetin e tyre femrat indiane janë konsideruar nga ekspertët si femrat më të bukura në botë. Aishwarya Rai më kot nuk mban kurorën e “Miss Bota”. Deri këtu duket sikur asgjë nuk na lidh me Indinë, përveç telenovelave. Por ne në RevistaWho kemi pikasur disa vajza të showbiz-it që kanë tipare aq të theksuara indiane, sa me siguri po mos t’i njihnim nga ekrani shqiptar do mendonim se janë të huaja.
Agnesa Vuthaj
Tiparet indiane të Agnesës kanë tërhequr edhe vëmendjen e një kompanie indiane të cilët e kanë zgjedhur Miss-in shqiptar të reklamonte stolitë e çmuara. Seti fotografik është realizuar 10 vite më parë në Emiratet e Bashkuara. Buzët e plota, sytë e errët dhe lëkura e nxirë e bëjnë Agnesën të duket tamam si një indiane.
Adrola Dushi
“Miss Universe Albania 2012”, Adrola gëzon një bukuri natyrale që na mahnit me çdo dalje të saj. Ajo aktualisht po zhvillon karrierën si modele në Shtetet e Bashkuara të Amerikës. Buzët dhe sytë e tërhequra janë tiparet që bien menjeherë në sy tek Adrola, bukuria e të cilës ngjason me atë indiane.
Klea Huta
Bukuria e saj shpeshherë është krahasuar me atë aziatike për shkak të syve të tërhequr. Një rast interesant ndodhi vjet kur Klea postoi në Instagram një foto të një bloggere aziatike dhe të gjithë menduan se ishte ajo. Në një set fotografik të realizuar vitin e kaluar Klea duket tamam si indiane me një rreth me pupla në kokë.
Nora Istrefi
Nora është një nga këngëtaret shqiptare që dallon prej të tjerave për vetë faktin se ka një bukuri ndryshe. Me tiparet aziatike me siguri Nora do të ishte modele në Lindjen e Largët.
Armela Hyseni
Edhe pse Armela ka marrë pjesë në spektaklin e bukurisë “Miss Universe Albania”, famën më të madhe po e merr nga “Big Brother”. Menjëherë bukuria e Armelës u krahasua me atë indiane për shkak të lëkurës së errët, buzëve të plota, syve dhe flokëve të gjatë.
Oriola Marashi
Nuk mund të linim pa futur në listë edhe Oriola Marashin. Buzët, sytë dhe lëkura e nxirë e bëjnë Oriolën të kategorizohet në femrat me bukuri aziatike./revistawho.com
