Në emisionin e sotëm në Fan Club ishin të ftuar Ervini dhe Sidrita, të eliminuarit e natës së mbrëmshme. Edhe pse çifti dukesj i qetë pas daljes nga shtëpia, një klip që u transmetua i nxehu pak gjakrat në studio. Në klip u zbulua se Sidrita dhe Damiano njiheshin nga jashtë dhe madje kur kanë qenë në shtëpinë e beqarëve kanë dashur të lidheshin bashkë. Ne letrën e shkruar nga Sidrita ajo i thonte Damianos se do i kërkonte Big Brotherit të flinin bashkë. Por në fund ajo zgjodhi Ervinin për të vazhduar lojën në shtëpinë e çifteve. Gjatë sherrit që ndodhi në shtëpinë e çifteve mes Ervinit dhe Damianos, ky i fundit i tha Ervinit se Sidrita ëndërronte dikë tjetër kur puthej me të, sepse e dinte për lidhjën e saj jashtë. I pyetur në lidhje me këtë në studion e Fan Club, Ervini tha se Sidrita e ka përdorur Damianon dhe e cilësoi atë si zar të Sidritës, ndërsa Sidrita tha se ishte shaka dhe pjesë e lojës sepse e njihte Damianon nga jashtë dhe dinte më shumë për të. Por debati vazhdoi më tej kur Ervini tha se nuk e kupton pse njerëzit e pëlqejnë Damianon. Olti iu pergjigj se është publiku ai që vendos, ndersa Ervini tha se në ‘Big Brother’ nuk vendos publiku por produksioni edhe për fitoren. Debatin e mbylli Albana, e cila i tha Ervinit se nxitimi i tij ka bërë që të jetë jashtë ‘Big Brother’. Ashtu siç u nxitua gjatë debatit me Damianon sa arriti ta pështyjë, ashtu u nxitua edhe sot ne Fan Club./revistawho.com
